Dil bawra

Ae dil bas hua ab....kyun guzarna chahta hai phir uss dard se...
Bas kar chalna har us rah per jisme hai chuppi aur tanhai...
Kyun tu uss disha hai jana chahta jaha har samay hain ek dutkaar...
Is jahan meh koi nahi samjhta na  bhawna naa pyaar....
Kar lo jitne bhi jatan...hota hai mushkil paana samaan...
Buzdil kitna hai dil ki darta hai ekaki se....aur phir chal padta hai uss dagar..jaha ka rasta hai dushvaar..
Apne har anubhav se yeh seekha hai humne ki naa doharana us dobaar..
Itna kuch ho jane per bhi iss pagal dil ko samjhana hai bekaaar...
Shikayaton ke silsilone aaj tak dia na koi faisla... ulta mushkil ho jata hai vyavhaar..
Aas per jeene se kuch hota nahi kyunki aas ka nahi koi paar..
Iss bhawnao ke bawandar meh itna fass jate hain ki bass karte reh jaate hai sahi samay ka intezaar...!

Hasraton ka samandar

Ajeeb raahein hu mein chunti ki jin  raahon mein mein khadi hu woh apni manzil hi badal leti hai..
Ajeeb fursatein hain meri ki jiske liye samay nikala wohi har samay uljha rehta hai...
Ajeeb dhadkane hain meri ki jiske liye dhadkti hai woh dil kisi aur ko apna bana leta hai..
Ajeeb ehsaas hain mere..ki jaise hi saahil tak aate hai toofan khatam ho jaata hai...
Ajeeb aadatein hai meri..ki jitna durr jana chahu mujhe thame rakhna chahti hai...
Ajeeb kismat hai meri ..ki jitna bhi mil jaye...hamesha muthi mein bhari reth sa chut jata hai...
Ajeeb hasratein hai dil ki....ki jo kabhi apna na ho sake sirf usse paane ki sochta hai...
Ajeeb soch...dhang...raviiya...ki jo bhi karna chahu woh kabhi ho nahi pata hain....
Ek jung har samay chalti hai dimaag mein ki kyun koi iss dil ko samjhna nahi chahta hai...

Lamho ke parinde

Lamho ke parinde hai is kadar udd jaate...
Ki hum unse apne pass kuch na rah paate..
Har ek pal saath mein guzra ud jata hai pankh laga ke...
Taras jaate hai jeevan bhar per us lamhe ko vapas jee nahi paate..
Us shaqs ki chhavi reh jaati hai nighao mein per apne zehen me nahi utaaar paate...
Un lamhon meh guzar jaati hain zindagi per sadiyon mein woh pal nahi aate....
Kaash samay aur insaan ki keemat humei pata hoti to shayad unhe rok paate...
Kitna khoya kitna paaya uska hisaab lagaana to mushkil tha..kaash uss lamhe ko khul ke jee paate...
Zindagi ne diya tha mauka...jo woh hamesha deti hai ..kaash uss mauke ko pechan paate...
In parindo ki bhi hoti apni ek duniya...jaha jaker sab hai jama ho jate hai..
Kitna aasan hain in parindo ke liye yaade waha chodna...kyunki hum to chah ke bhi unhe nahi chod paate hai...

Khamakhan ki zindagi..Matlab ki duniya

Kabhi tanhan sochti hu to yeh paati hu ki kitni bewajah hain zindagi... khushiyon ke hote hue bhi phiki.. Na koi tammana na koi ggaruzarish bas ek saadi zindagi.. kahi kho diya apne aap ko iss beech.. chalo khud ko dhudne ka ek zariya hi bana le zindagi.. Chahat se bhare is jahan mein matlab se bhare log kaash koi apni chaap bhi chod paata zindagi.. soche agar jeene ka matlab hi matlab ho .. to kaisi hogi yeh zindagi... kuch vaade..iraade...bharose..is kadar kuchal jaate hain ki raas hi nahi aati yeh zindagi Agar yeh matlab shabd hi nahi hota is duniya to kya khoob hoti zindagi.. Log na badlte..na faasle badte..na nafrat hoti.. to shayad behtareen hoti zindagi..

Mile Tum

Jis din mile tum
Jeevan mein bhar gaye naye rang
Iss kadar chaaye dil per tum
Ki badla har dhang
Shuruat thi nayi aur kathin
per sab tha aasan tumhare sang
Samaye ke saath sab badla
Aur aaj humari zindagi mein hain ek nai tarang
Kash ki tum pehle milte
Bhar jaati iss jeevan mein aur bhi zyaada umang..

Anjaani manzil

Jitna pakdti hu us reth ko hateli per
Utna hi daaman chudati hain yeh..
siskiyon mein simti hain zindagi is kadar
ki ashk bi lagte paani se yeh..
Samajh nahin aata ki samjhau unhe kis tarah
ki ab hum ho gaye juda juda juda se..
Ae kash aisa hota ki hum jo cahhe waisa hota
ki ab to mangte hain khuda se dua yeh..
Kisi raah mein mil jaaye aise
ki nadi aur samundar bhi le humse misal yeh..
Kehte hain samjahdaar yuh to sabhi hume
per phir bhi apne per aitbar ki kami ka ehsaas sa hota hain
Yun hi basar ho gai zindagi agar
to ek bhoj hamesha rahega mann per
ho sakta hain guzar jaati apni chahat ki buniyad per yeh..
Chod di hain zindagi takdeer ke bharose
dekhte hain le jaati hain hume kahan yeh..

Hum Tum

Aaj hum tum chalenge
Iss duniya se durr chalenge
Chalenge badlon per taroon ke paar chalenge
Chalenege jaha pyaar ho
Jaha sirf tumhara saath ho
Jaha per koi na aa sake uss ore chalenge
Chale hum saath lekar uss khwabon ke karwan ko
Jisse hum saath haasil kar ke rahenge
Jaha na ho gum ke saaye
Na khushiyon ke khone ka darr
Jaha milta ho suraj zameen se
Bas uss ore chalenege
Yaha rehkar bhi paa sake na jo manzil
Ab uss manzil ko paker rahenge
Chalte chalte agar ruk jaye kadam
Ghabrana mat kunki saath honge hum
Mushkile ho kai per hum dat kar chalenege
Raaste mein milenge hazaron log
Koi achche koi bure milenge
Taye karenge hum kise apna bana kar chalenge
Saath aayenge kaam,krodh,moh,lobh...unhe bhi paraajit karke chalenge
Banyege aisa aashiyan jiski chahat hain
Jaha na bheed ho,na koi shor
Sirf pyaar ki ho har baath
Khwahish hain ki bas tum ho saath
HUm saara jahan jeet lenge
Aaj hum tum chalenge
Iss duniya se dur chalenge