Sunday, May 10, 2015

Maa..

Maa tere bina kuch nahi achcha lagta yaha..
Na tere haathon ke garam fulke hai na aanchal ki thandi chaaon hai yaha..
Na teri daant ki bouchaar hai na hi pyaar bhari baahein hai yaha..
Yaad aatein hai woh bachpan ke din jab beparwah tha mera jahan
Na thi koi chinta..na hi koi bandish kyunki tum thi na maa waha...
Jo tumne di woh har ek seekh ka matlab aaj hai samajh aaya yaha..
Woh school se aaker bag phekna...woh har ek baat per tumse behas karna...woh naatak jo sirf tum hi jhel paati thi maa..
Bachpan se meri har choti cheez ko tumne hai sanjhoya... Chahe rona ho, chaahe zidd puri karani ho..chahe daddy ko manana ho...tum hi thi meri jaadu ki chadi waha..
Jab khud maa bana to jana ki kitna sangarsh kara hai har pal tumne maa...woh har ek raat jo tum ho jagi aur jo har woh din jab meine tumhe sataya par tumne kuch na kahaa..
Aaj bhi jab bhi hota hai kuch naya banana..ya hota hai dil ka bhoj utaarana...ya hoti hai koi salah ki zarurat, tum hi dikhai deti ho har jagaah..
Tumse hi hoti hai har ek ichcha puri aaj bhi...aur tum hi ho prerna meri zindagi ki..Kitna bhi shukriya karu tumhe woh kam hai...tumse achcha koi nahi aur mujhe garv hai ki tum ho MERI MAA...